بامیان کې د یوه کور د چت نړېدل؛ د یوې کورنۍ ۶ غړي مړه او ټپیان شول

په بامیانو کې د یوه کور د چت د نړېدو له امله د یوې کورنۍ شپږ غړي مړه او ټپیان شوي دي.

په بامیان کې د طالبانو د والي دفتر نن سې شنبه د غوايي په لومړۍ نېټه د یوې خبرپاڼې په خپرولو سره ویلي چې دا پېښه تېره شپه د دې ولایت مرکز په «دهان خشک» سیمه کې شوې ده.

د خبرځاى د څرګندونو له مخې: دغه کور د وروستيو بارانونو له امله نړيدلى دى.

اعلامیه زیاتوي چې د دې پېښې په قربانیانو کې دوه ښځې او یو سړی شامل دي.

ويل کيږي چې ټپيان د درملنې لپاره د باميانو ولايتي روغتون ته وړل شوي دي.

په همدې حال کې په تېرو څو ورځو کې د سختو بارانونو له امله راوتلو سېلابونو هېوادوالو ته ستر زيانونه اړولي دي.

خبرگزاری جمهور