د ښځو پر وړاندې د طالبانو کړنې او حکمونه د جنسیت توپیر کېدای شي

د بشری حقونو په شورا کې د افغانستان استازی نصیر احمد اندیشه وایی، د ښځو پر وړاندې د طالبانو ډلې کړنې او حکمونه د جنسیت توپیر کولای شی.

ښاغلي اندېشه زیاته کړه چې د بشري حقونو د درناوي په اړه د طالبانو ژمنې نه دي پوره شوي او د دې ډلې کړنې او فرمانونه د پراخ او محدودیت له امله د جنسیتي توپیر لامل کېدای شي.

نوموړي د دغه سازمان د بشري حقونو په شورا کې د ملګرو ملتونو او څلوېښتو هېوادونو په استازيتوب ټينګار وکړ، چې په افغانستان کې د بشري حقونو وضعيت له بشپړ او فوري غبرګون پرته بل څه نه غواړي.

اندېشه له حکومتونو وغوښتل چې د افغانستان پر مکلفیتونو ټینګار وکړي چې بشري حقونو ته درناوی وکړي او له طالبانو سره د خبرو پر مهال د افغانستان د راتلونکي په اړه په بحثونو کې د ښځو په ګډون د هېواد د اتباعو فعال ګډون یقیني کړي.

هغه د بشري حقونو له مدافعینو هم وغوښتل چې د افغانستان وضعیت له نږدې وڅاري او په دې برخه کې دوامداره همغږي رامنځته کړي.

د بشري حقونو په شورا کې د افغانستان استازي همدا راز د روم د اساسي قانون له غړو وغوښتل چې د افغانستان په اړه د خپلو څېړنو په برخه کې د جرمونو د نړیوالې محکمې له دفتر سره همکاري وکړي.

ښاغلي اندېشه وویل چې د ده دغه بیانیه د نړۍ له ۴۰ ډېرو هېوادونو تصویب کړې ده.

البانیا، استرالیا، اتریش، بلجیم، بلغاریا، چیلي، کولمبیا، کوسټاریکا، کروشیا، قبرس، چک جمهوریت، ډنمارک، استونیا، فنلینډ، فرانسه، جرمني، یونان، آیسلینډ، آیرلینډ، لاتویا، لیچټینسټین، لیتوانیا، لوګزامبورګ، مالتا مونټینیګرو، هالنډ، نیوزیلنډ، پولنډ، پرتګال، رومانیا، سلوانیا، هسپانیه، سویډن، تاجکستان او یمن هغه هېوادونه دي چې د اندېشه د وینا متن یې تصویب کړی دی.

د يادونې وړ ده، چې د بشري حقونو د شورا ۵۵مه غونډه د وري په اوومه پيل شوې او ټاکل شوې، چې د راتلونکي کال د وري مياشتې تر ۱۷مې نېټې پورې دوام وکړي.

خبرگزاری جمهور