د امریکا دفاع وزیر مارک اسپېر په تازه څرګندونو کې ویلي، چې په افغانستان کې د روانې اتلس کلنې جګړې یوازینۍ حل لار د افغان حکومت او طالبانو تر منځ سیاسي هوکړه ده.
د
جمهور خبري آژانس د خبر له مخې ښاغلي اسپېر له فاکس نیوز تلوېزیوني شبکې سره مرکه کې ویلي که چېرې د افغان حکومت او طالبانو تر منځ سیاسي هوکړه وشي نو دا به له دغه هېواده د بهرنیو ځواکونو وتلو ته هم لار هواره کړي.
نوموړي ویلي، چې له امریکا له تېرو اتلسو – نوولس کلونو راهیسې په افغانستان کې ده او دې باور ته رسېدلې، چې دغه هېواد کې د جګړې یوازینۍ حل لار د حکومت او طالبانو منځ خبرې او سیاسي توافق دی.
هغه زیاته کړې« که موږ د طالبانو، اوسني افغان حکومت او زموږ تر منځ یوې سیاسي موافقې ته ورسېږو چې یقیني کړي افغانستان نور د تروریستانو لپاره امن ځاله نه ده دا یو ښه کار دی، دا به ما، موږ ته اجازه راکړي چې سرتیري را خلاص کړو.»
د هغه په وینا که دا کار وشي، نو امریکا به خپل ځواکونه د روسیې او چین پر وړاندې ځای پر ځای کړي ځکه امریکا په اوږد مهال کې له دغه دوه هېوادونو اندېښنه لري.
جمهورخبري آژانس:کابل