رئیس جمهور اوزبیکستان با سرپرست وزارت صنعت و تجارت گروه طالبان دیدار کرد

 

به گزارش خبرگزاری جمهور، وزارت صنعت و تجارت گروه طالبان چهارشنبه‌شب(21جوزا) در اعلامیه‌ای گفته که نورالدین عزیزی، سرپرست این وزارت در حاشیه‌ی چهارمین نشست بین‌المللی سرمایه‌گذاری تاشکند باشوکت میرضیایف، رئیس جمهور اوزبیکستان دیدار کرده است.

 

دوطرف پیرامون گسترش همکاری‌ها در بخش‌های تجارت و اقتصاد، ترانسپورت، لوژستیک، انرژی، زراعت و همچنان استخراج معادن گفتگو کردند.

 

طالبان گفتند که سرپرست وزارت صنعت و تجارت این گروه از موقف رئیس جمهور اوزبیکستان، در کنفرانس بین‌المللی سرمایه‌گذاری تاشکند در قبال افغانستان ابراز سپاس و امتنان کرده است.