عبدالقدیر فطرت رییس پیشین بانک مرکزی افغانستان درگذشت

نزدیکان عبدالقدیر فطرت رییس پیشین بانک مرکزی افغانستان تایید کرده که آقای فطرت در امریکا درگذشته‌است.

به گفته آنان، آقای فطرت بامداد امروز دوشنبه 10 ثور، به وقت کابل، در اثر بیماری در خانه‌اش در ویرجینیای امریکا وفات کرده‌است.

آقای فطرت از سال 2007 تا 2011 میلادی به عنوان رییس بانک مرکزی افغانستان کار می‌کرد.

او همچنین به عنوان مشاور در بانک جهانی و صندوق بین‌المللی پول نیز کار کرده‌است.

خبرگزاری جمهور