د یوناما مشرې د ښځو او نجونو زده کړو ته د لاسرسي پر اهمیت ټینګار وکړ

په افغانستان کې د ملګرو ملتونو د مرستندویه پلاوي (یوناما) مشرې د افغان ښځو او نجونو زده کړو ته د لاسرسي پر اهمیت ټینګار وکړ.

د جمهور خبري آژانس د خبر له مخې په افغانستان کې د ملګرو ملتونو د مرستندویه پلاوي (یوناما) د رسنیو دفتر نن دوشنبې (د وږي ۱۷ مه) د دې ادارې د مشرې روزا اوتونبایوا له قوله وویل چې کتابونه یوازې د پوهې سرچینه نه ده، بلکې د دوامداره سوکالۍ لپاره یوه لاره هم ده.

د سواد د نړیوالې ورځې په مناسبت، په افغانستان کې ملګري ملتونه د هیواد ارزښتناکه ادبي میراث ته درناوی کوي او د ټولو لپاره، په ځانګړې توګه د ښځو او نجونو لپاره د مساوي او جامع لاسرسي پر اهمیت ټینګار کوي.

جمهورخبري آژانس