طالبانو په بامیان کې د ګنډکوتل کان لوټ کړی دی

سیمه ییزو سرچینو او د طالبانو د کانونو وزارت چارواکو تایید کړې چې د بامیان ولایت د یکاولنګ ولسوالۍ د ګنډکوتل کان استخراج په غیر معیاري ډول او د چاپیریال قوانینو او اصولو په پام کې نیولو پرته ترسره کیږي.

د طالبانو د کانونو وزارت یوې سرچینې جمهور اژانس ته ویلي، طالبان د رسمي طرزالعملونو خلاف د اکتشاف په وخت کې استخراج کوي او هرچیرې چې وغواړي کیندنه کوي.

د سرچینې په وینا، دا طریقه نه یوازې غیرقانوني ده بلکې پراخه چاپیریالي پایلې یې هم لري.

د یکاولنګ ولسوالۍ ځینو اوسیدونکو هم تایید کړې چې د بې توپیره استخراج له امله کرنیزې ځمکې وچې شوې او د سیمې اوبه ککړې شوې دي.

له بلې خوا، سرچینې وايي چې هغه پیسې چې باید د کان شاوخوا ټولنیزې هوساینې او زیربناوو باندې ولګول شي هم ضایع شوې دي. د یوې سرچینې په وینا، د بامیانو د کان پخواني مشر - چې اوس د طالبانو د کانونو د وزیر د دفتر مشر دی، د ټولنیزې بودیجې ۸.۳ میلیونه افغانۍ غلا کړې دي.

همدارنګه، د پخوانیو ژمنو پر بنسټ، قراردادي شرکتونو ته اړتیا وه چې هر کال ۵ میلیونه افغانۍ د کان شاوخوا ټولنیزو خدماتو لپاره ولګوي؛ خو تر اوسه پورې په دې اړه هیڅ سند یا پروژه نه ده پلي شوې. اوس مهال، نږدې ۱۰ شرکتونه د یکه والنګ ولسوالۍ د کانونو په سکتور کې فعالیت کوي.

سرچینې وايي چې د یکه والنګ کان په هیواد کې یو له خورا قیمتي کانونو څخه دی او طالبان خپله خاوره په بکسونو او چورلکو کې بهر ته لیږدوي.

د بامیانو د کان د مشر په وینا، تر دې دمه په دې ولایت کې ۶۹ کانونه پیژندل شوي، چې له دې ډلې ۱۷ یې اوس مهال کیندل کیږي.

جمهورخبري آژانس