د طالبانو د استخباراتو په ۴۰ ام ریاست مو برید کړی، یو طالب مو وواژه

د افغانستان د آزادۍ جبهې د طالبانو د استخباراتو په څلوېښتم ریاست د برید په پایله کې د ۵ طالب جنګیالیو د وژل کیدو او ټپي کیدو اعلان وکړ.

د جمهور خبري آژانس د خبر له مخې د افغانستان د آزادۍ جبهې د رسنیو دفتر نن شنبې (د وږي ۸ مه) په یوه بیان کې وویل چې د دې جبهې جنګیالیو پرون د شپې شاوخوا ۸:۲۰ بجې د کابل په شیش درک سیمه کې د طالبانو د استخباراتو په څلوېښتم ریاست برید وکړ.

په بیان کې زیاته شوې چې د دې برید په پایله کې، د طالبانو د استخباراتو یوه ملېشه ووژل شوه او د ډلې ۴ نور غړي ټپیان شول.

په بیان کې ویل شوي چې د طالبانو په دې بدنام استخباراتي ریاست کې، پخواني سرتیري، بې ګناه نارینه او ښځې په ډیر ظالمانه او غیر انساني ډول شکنجه کیږي او بندیان کیږي.

د طالبانو بدنام او شکنجه کوونکي اجنټان زموږ بې دفاع خلکو ته د ځورولو څخه ډډه نه کوي، نه یوازې په استخباراتو او زندانونو کې، بلکې د افغانستان په هر ځای کې.

جبهه ټینګار کړی چې د ازادۍ جبهه جنګیالي به د طالبانو ډلې پر وړاندې خپلې مبارزې او ویجاړونکو بریدونو ته دوام ورکړي ترڅو د بې ګناه خلکو د وینې غچ واخلي او د افغانستان د آزادۍ لپاره هڅې وکړي.

د افغانستان د ازادۍ جبهه هم نن سهار اعلان وکړ چې په کندوز کې د جبهې د بریدونو په پایله کې څلور طالب جنګیالي وژل شوي او ټپیان شوي دي.

جمهورخبري آژانس