د ازادۍ جبهه: کندوز کې مو دوه طالبان و وژل

د افغانستان د آزادۍ جبهې په کندز کې د چریکي د بریدونو په پایله کې د څلورو طالب جنګیالیو د وژل کیدو او ټپي کیدو اعلان وکړ.

د جمهور خبري آژانس د خبر له مخې د افغانستان د آزادۍ جبهې نن شنبې  (د وږي ۸ مه) په یوه اعلامیه کې وویل چې د افغانستان د آزادۍ جبهې جنګیالیو پرون ماښام شاوخوا ۸:۳۰ بجې د کندز ښار په دویمه امنیتي حوزه کې د طالبانو د ملیشو پر یوه اډه برید وکړ.

د دې برید په پایله کې، دوه طالب عناصر ووژل شول او دوه نور طالبان ټپیان شول.

د یادونې وړ ده چې د تیرې اونۍ د پنجشنبې په ورځ، جبهې په کابل کې د دریو طالب جنګیالیو د وژل کیدو او ټپي کیدو خبر هم ورکړی و.

جمهورخبري آژانس