په بلخ او نیمروز کې د مخدره توکو د قاچاق په تور پنځه کسان نیول شوي

د طالبانو د کورنیو چارو وزارت د بلخ او نیمروز ولایتونو څخه د مخدره توکو د قاچاق په تړاو د پنځو کسانو د نیولو اعلان وکړ.

د جمهور خبري آژانس د خبر له مخې طالبانو د کورنیو چارو وزارت نن پنشنبې (د زمري ۲۳ مه) په یوه اعلامیه کې وویل چې د نیمروز ولایت د پولیسو د قوماندانۍ د مخدره توکو سره د مبارزې پولیسو یو کس د ۴۳ کیلوګرامه تریاکو سره او دوه نور یې د ولایت له حوزې څخه د مخدره توکو د قاچاق په تړاو نیولي دي.

په اعلامیه کې زیاته شوې ده: دوه نور کسان هم د بلخ ولایت څخه د مخدره توکو د قاچاق په تړاو نیول شوي دي.

د یادونې وړ ده چې د نړیوالو سازمانونو د راپورونو له مخې، په افغانستان کې د طالبانو د واکمنۍ سره، په هیواد کې د مخدره توکو کښت او تولید ۳۵ سلنه زیات شوی دی.

جمهورخبري آژانس