د پاکستان صادرات د سیمې اوو هېوادونو ته له ۴ میلیارده ډالرو څخه زیات دي

د پاکستان مرکزي بانک اعلان کړی چې د چین، بنګله دیش او افغانستان په ګډون اوو سیمه ییزو هېوادونو ته د دغه هېواد صادرات سږ کال له ۴ میلیارده ډالرو څخه زیات شوي دي.

د جمهور اژانس د خبر له مخې د پاکستاني رسنیو په حواله، د دغه هېواد مرکزي بانک (SBP) نن یکشنبې (د زمري ۱۹ مه) اعلان وکړ چې د چین، بنګله دیش، افغانستان، سریلانکا، هند، نیپال او مالدیپ په ګډون اوو سیمه ییزو هېوادونو ته د پاکستان صادرات سږ کال له ۴ میلیارده ډالرو څخه زیات شوي دي.

دې د پام وړ ودې د سیمه ییزې سوداګرۍ په برخه کې د فعالو هېوادونو په توګه د پاکستان دریځ پیاوړی کړی دی.

د راپورونو له مخې، چین د پاکستان د صادراتو د ځایونو په لیست کې لومړی ځای لري او د هېواد د صادراتو ترټولو لوی حجم جوړوي.

له چین وروسته، بنګله دیش او افغانستان په ترتیب سره په دوهم او دریم ځای کې دي. دا درې هېوادونه د جغرافیایي نږدېوالي او سوداګریزو اړتیاوو له امله د پاکستان اصلي صادراتي شریکان ګڼل کیږي.

سربېره پردې، پاکستان خپلې سوداګریزې اړیکې له نورو هېوادونو سره پراخې کړې دي، لکه سریلانکا، هند، نیپال او مالدیپ.

که څه هم دا هیوادونه د پاکستان د صادراتو کوچنۍ برخه جوړوي، خو د هیواد د صادراتو بازارونو په تنوع کې مهم رول لوبوي.

د پاکستان ریزرو بانک د صادراتو زیاتوالی د حکومت د هغو هڅو له امله وباله چې غواړي سوداګریزې زیربنا پیاوړې کړي او د سیمې له هیوادونو سره اقتصادي اړیکې ښې کړي.

جمهورخبري آژانس