طالبانو له تاتارستان نه غوښتي، چې د افغانستان د ترانسپورت او لوژستیک په سکتور کې پانګونه وکړي

د طالبانو د ترانسپورت او هوايي چلند وزارت مشر د تاتارستان د لومړي وزیر له مرستیال سره په لیدنه کې د دغه هیواد د ترانسپورت او لوژستیک سکتور کې د پانګونې غوښتنه وکړه.

د جمهور خبري آژانس د خبر له مخې د طالبانو د ترانسپورت او هوايي چلند وزارتنن چهارشنبې (د زمري ۱۵مه) په یوه اعلامیه کې وویل چې د دې وزارت سرپرست وزیر حمیدالله اخوندزاده په کابل کې د روسیې د فدراسیون د تاتارستان جمهوریت د لومړي وزیر مرستیال او د صنعت او سوداګرۍ وزیر اولیګ کوروباچینکو سره ولیدل.

په دې غونډه کې، دواړو خواوو د دوه اړخیزو ترانسپورت او لوژستیک اړیکو د جوړولو او پراختیا، د کاماز ډوله لاریو لپاره د معیاري ورکشاپ پرانیستلو، او د افغانستان او روسیې فدراسیون ترمنځ د سوداګرۍ د جریان د زیاتوالي په اړه بحث وکړ.

د طالبانو د ترانسپورت او هوايي چلند وزارت سرپرست وویل چې د تاتارستان جمهوریت پانګوال کولی شي په افغانستان کې د ترانسپورت او لوژستیک سکتور کې پانګونه وکړي، او دا د دوی لپاره یو مناسب چاپیریال دی.

د تاتارستان مرستیال لومړي وزیر وویل چې د کابل او کازان ترمنځ مستقیم الوتنې پیل کولو ته اړتیا ده او هیواد یې چمتو دی چې له دې ډلې سره په بیلابیلو برخو کې همکاري وکړي

جمهورخبري آژانس