طالبانو او انګلستان د راستنېدونکو د بیا مېشتېدنې او د کار فرصتونو په اړه بحث کړی

د طالبانو د کډوالو او راستنیدونکو وزارت او د بریتانیا د بشري مرستو بورډ د راستنیدونکو د بیا میشتیدنې، د کار فرصتونو او سرپناه په اړه بحث وکړ.

د جمهور خبري آژانس د خبر له مخې د طالبانو د کډوالو او راستنېدونکو وزارت نن دوشنبې  (د زمري ۶ مه) په یوه بیان کې وویل چې د وزارت د پلان او پالیسۍ رییس مولوي محمود الحق احدي د بریتانیا د بشري مرستو رییس الیسټر برینټ سره د ایران او پاکستان څخه د اجباري راستنیدونکو د وضعیت په اړه غونډه وکړه.

په دې غونډه کې چې یو شمیر مدیرانو، د کډوالو او راستنیدونکو وزارت چارواکو او د طالبانو د بهرنیو چارو وزارت استازو ګډون کړی و، د اجباري راستنیدونکو د ځان بسیاینې او د هغوی د ستونزو د حل په اړه بحث وشو.

احدي وویل چې په هیواد کې د سولې په ټینګښت سره، نړیوال سازمانونه کولی شي د هیواد هرې سیمې ته سفر وکړي او د افغانانو ملاتړ وکړي.

هغه زیاته کړه چې د نړیوالو سازمانونو لخوا چمتو شوي مرستو کې شفافیت او توازن نه دی لیدل شوی.

په دې غونډه کې دواړو خواوو د راستنیدونکو کډوالو د بیا میشتیدنې، د کار فرصتونو، سرپناه او بیړنیو مرستو په اړه هم خبرې وکړې.

د یادونې وړ ده چې سږ کال له یو نیم ملیون څخه ډیر افغانان له ایران او پاکستان څخه هیواد ته راستانه شوي دي.

جمهورخبري آژانس