ایران: مسعود پزشکیان افغانستان ته د سفر اراده نه لري

د ایران د بهرنیو چارو وزارت ویاند وايي چې د دې هېواد ولسمشر افغانستان ته د سفر پلان نه لري.

د جمهور خبري آژانس د خبر له مخې د ایران د بهرنیو چارو وزارت ویاند اسماعیل باغي نن دوشنبې (د زمري ۶مه) په ځینو رسنیو کې د افغانستان ته د هیواد د ولسمشر د سفر په اړه خپاره شوي راپورونه رد کړل او ویې ویل: «تر اوسه پورې په دې اړه هېڅ رسمي پلان بهرنیو چارو وزارت ته نه دی رسیدلی.»

هغه زیاته کړه: «هغه څه چې په ځینو رسنیو کې راپورته شوي دي یوازې د ایران د اسلامي جمهوریت د ښه نیت څرګندونه او د ګاونډي او مسلمان هیواد په توګه له افغانستان سره د رغنده تعامل ټینګار دی.»

د طالبانو د پیژندلو مسلې ته په اشارې سره، باغي وویل چې دا یوه خپلواکه مسله ده چې هیوادونه یې د خپلو ګټو او اندیښنو پراساس پریکړه کوي، او ایران به اړونده پریکړه اعلان کړي که چیرې وروستۍ پایلې ته ورسیږي.

جمهورخبري آژانس