د ۱۴۰۴ کانکور ازموینې پایلې اعلان شوې؛ عمومي‌ اول نمره له کابله دی

د طالبانو د حکومت تر کنټرول لاندې د ملي ازموینو ادارط د یکشنبې په ورځ د چنګاښ ۲۹ مه د  کانکور ازموینې پایلې اعلان کړې.

د جمهور خبري اژانس د راپور له مخې، د ملي ازموینو ادارې مشر عبدالباقي حقاني اعلان وکړ چې د سید موسی د داود سادات طاهر زوی، چې د کابل ولایت د پامیر نوین خصوصي ښوونځي زده کوونکی دی، د ۳۵۶.۵۷۴۱۵ نمرو په اخیستو سره د ازموینې عمومي اوله نمره شو.

د ازموینې دویم مقام ګټونکی، نذیر، د محمد طاهر زوی، هم د ۳۵۶.۵۷ نمرو سره دوهم مقام ترلاسه کړ، پداسې حال کې چې حمزه، د عبداللطیف زوی، د ۳۵۳.۵۳۳ نمرو سره درېیم مقام ترلاسه کړ.

د ۱۴۰۴ کال د کانکور ازموینې د پایلو د اعلان په مراسمو کې، د چاپیریال ساتنې ملي دفتر مشر مطیع الحق خالص وویل چې ځوانان باید تخلیقي نظریات ولري. طالبانو د هېواد له ټولو ځوانانو وغوښتل چې له یو دولت څخه راضي نه وي او تل د ترفیع او پرمختګ په اړه فکر وکړي.

د چارو ادارې مرستیال عمومي رییس سیف الدین طیب په دې مراسمو کې د هیواد له زده کونکو وغوښتل چې د عصري علومو سربیره دیني علومو ته هم ځانګړې پاملرنه وکړي.

دا په داسې حال کې ده چې د پوهنې په سیستم کې د نجونو نشتوالی، په ځانګړې توګه په ثانوي او لوړو کچو کې، نن ورځ په افغانستان کې یو له لویو ننګونو څخه دی.

له هغه وخت راهیسې چې د طالبانو رژیم د هیواد کنټرول بیرته ترلاسه کړ، د نجونو په زده کړې سخت بندیزونه لګول شوي او ثانوي ښوونځیو او پوهنتونونو ته د دوی لاسرسی منع شوی دی.

جمهورخبري آژانس