روسیې، چین او پاکستان پر افغانستان خبرې کړې دي

د افغانستان لپاره د پاکستان ځانګړي استازي محمد صادق پر خپله اېکس پاڼه لیکلي، چې د افغانستان لپاره د پاکستان، چین او روسیې ځانګړو استازو د قطر په پلازمېنې دوحې کې لیدلي دي.

د جمهور خبري آژانس د خبر له مخې نوموړي زیاته کړې چې په دې لیدنه کې د افغانستان په اړه د سیمه‌ييزو همکاریو پر پراختیا خبرې شوې دي.

نوموړي ویلي، چې دا ناسته د افغانستان په اړه د سیمه‌ييزې همکارۍ د لا پراختیا لپاره ګډه ژمنتیا په ډاګه کوي.

جمهورخبري آژانس