د "مشهد-هرات" لومړۍ مسافر وړونکې اورګاډی به په دوو اونیو کې پیل شي

د ایران د سړکونو او ښاري پراختیا مرستیال وزیر اعلان کړی چې د ایران د مشهد او د افغانستان د هرات ښارونو ترمنځ به لومړی مسافر وړونکی اورګاډی په راتلونکو دوو اونیو کې فعال شي.

جمهور  اژانس د ایراني رسنیو په حواله، د ایران د سړکونو او ښاري پراختیا مرستیال وزیر جبار علي ذاکري وویل: "د مشهد او هرات ترمنځ د مسافر وړونکې اورګاډي په اړه پلانونه جوړ شوي دي، او موږ تمه لرو چې په دې لاره کې به لومړی مسافر وړونکی اورګاډی په راتلونکو دوو اونیو کې پیل شي."

ښاغلي ذاکري زیاته کړه: "د اورګاډي تګلاره د ټرانزیټ زیاتول دي، او د اورګاډي ټرانزیټ اورګاډي د ریل شبکې کې د ځانګړي لومړیتوب سره کار کوي. د اورګاډي اصلي هدف په هیواد کې د ټرانزیټ پراختیا ده." په هرصورت، هغه د پروژې د نورو جزیاتو په اړه څه ونه ویل.

د ایران د سړکونو او ښاري پراختیا وزارت د تیر کال په وروستیو کې اعلان وکړ چې د روزناک څخه تر هرات پورې د اورګاډي لاره د جوړولو په حال کې ده، او د لارې له بشپړیدو وروسته به د مسافر وړونکو اورګاډو تګ راتګ هم پیل شي.

د ایران د سړکونو او ښاري پراختیا مرستیال وزیر دا هم وویل چې د ترکمنستان د مشهد او مرو ترمنځ د اورګاډي تګ راتګ د پیل لپاره لومړني ګامونه اخیستل شوي دي.

جمهورخبري آژآنس