طالبان: د پنجشیر ۱۰۰ ټنه ګیلاس به د منځنۍ اسیا هیوادونو ته صادر شي

په پنجشیر ولایت کې ځایي طالبانو اعلان کړی چې له دې ولایت څخه به ۱۰۰ ټنه ګیلاس روسیې، ازبکستان او قرغزستان ته صادر شي.

د جمهور اژانس د خبر له مخې، د پنجشیر د طالبانو د والي مطبوعاتي دفتر د دوشنبې په ورځ (د غبرګولي ۱۲مه) په یوه بیان کې وویل چې د پنجشیر ولایتي مشرتابه د هڅو او پر وخت مدیریت په پایله کې، له دې ولایت څخه د ګیلاسو د صادراتو پروسه بیا پیل شوې او اټکل کیږي چې ۱۰۰ ټنه تازه چیری به د ازبکستان، قرغزستان او روسیې بازارونو ته صادر شي.

طالبانو وویل چې دولتي ادارو، د چیریو د حاصلاتو د فصل اهمیت او د صادراتو محدود فرصت درک کولو سره، سمدستي اقدام وکړ او د محمد آغا حکیم په مشرۍ د صنعت وزارت د مرکزي اسیا له یو شمیر سوداګرو سره یوه غیر معمولي غونډه وکړه.

د پنجشیر والي د پاکستان له لارې هند ته د ګیلاسو د صادراتو په برخه کې ننګونو ته په اشارې سره وویل چې د صنعت او سوداګرۍ وزارت سره د دوامداره هڅو او همغږۍ له لارې، هغه توانیدلی چې د سیمې نویو بازارونو ته د دې میوې د صادراتو لپاره لاره هواره کړي.

جمهورخبري آژانس