هند د پاکستان اقدامات پاروونکي او زیاتیدونکې وبلل

د هند د بهرنیو چارو وزیر وکرم مصري د پاکستان هغه ادعاوې چې وايي هند پر افغان خاوره توغندیز برید کړی او پوځي تاسیسات یې ویجاړ کړي دي "په بشپړه توګه مسخره" او "دروغجن" وبللې او پر پاکستان یې تور ولګاوه چې هڅه کوي په هندي ټولنه کې ویش رامینځته کړي او غلط معلومات خپاره کړي.

د جمهور اژانس د راپور له مخې، وکرم مسري وویل چې پاکستان هڅه کوي چې په افغانستان کې پر اهدافو د هند د توغندیو بریدونو په اړه د بې بنسټه ادعاوو په کولو سره له خپلو تیري کوونکو اقداماتو څخه پام واړوي.

هغه ټینګار وکړ چې دا ادعاوې د پاکستان د "ویجاړونکي غلط معلوماتو کمپاین" برخه ده، چې هند یې په کلکه ردوي.

په ورته وخت کې، د هند د هوايي ځواک مشر ویومیکا سینګ په یوه جلا بیان کې اعلان وکړ چې د هند وسله والو ځواکونو یوازې د پاکستان په خاوره کې په مشخصو پوځي اهدافو برید کړی او هیڅ عملیات له دې چوکاټ څخه بهر نه دي ترسره شوي.

سینګ زیاته کړه: "پاکستان په مکرر ډول په تیریګرو او پارونکو اقداماتو کې ښکیل شوی او هڅه کوي چې په دې اقداماتو سره هند پاروي."

جمهورخبري آژانس