د کندهار د کرنې، اوبو لګولو او مالدارۍ ریاست مسوولین وايي، سږ کال دغه ولایت کې پر ۶۰ هکټاره ځمکه د ممپلیو کښتونه شوي، چې ۲۱۰ ټنه حاصل به ورڅخه ترلاسه شي.

د یوناما مشرې روزا اوتونبایوا د افغانستان په تړاو د ملګرو ملتونو د امنیت شورا په څلورمه غونډه کې، د طالبانو له حکومت سره پر تعامل ټینګار وکړ.

د روسیې د بهرنیو چارو وزیر سرګي لاوروف ویلي چې، د طالبانو حکومت د ملګرو ملتونو سازمان د ترهګرو ډلو په نوملړ کې د یوه سازمان په توګه نه‌دی.

د کندهار په شپږمه ناحیه کې د یو کور چت پرېوتو له امله درې خویندې مړې شوې دي.

د ملګرو ملتونو د سرمنشي ځانګړې استازې رزا اوتونبایوا د افغانستان بانک له خوا د کوچنيو تمویلونو په ملي غونډه کې، ډاډ ورکړی چې، د نشه‌يي توکو پر وړاندې د مبارزې او د روږدو کسانو د درملنې په برخه کې مرسته کوي.

د طالبانو ډلې د کورنیو چارو وزارت اعلان کړی چې د ۲۲ کیلو ګرامه شیشو د قاچاق مخه یې نیولې ده.

طالب چارواکو د دغه وزارت د کنفرانسونو په تالار کې د ښو او بدو د منع کولو د قانون د تشریح په موخه غونډه وکړه.

تېره شپه ریچارډ بینیټ د طالبانو پر ضد خبرې وکړې او له دې ډلې سره یې د هاګ محکمې د چلند غوښتنه وکړه.