افغانستان او اذربایجان د چاپېریالي همکاریو پر پیاوړتیا ټینګار وکړ

د طالبانو د چاپېریال ساتنې د ملي ادارې رییس مطیع‌الحق خالص، چې د افغان پلاوي مشري کوي، په روسیه کې د اذربایجان د ایکولوژۍ او طبیعي سرچینو له وزیر مختار بابایف سره کتلي دي.

د جمهور خبري آژانس د خبر له مخې بابایف د افغان پلاوي د نوسکي کانګرس کې ګډون ارزښتناک بللی دی.

په دې کتنه کې مطیع الحق خالص له اذربایجان مننه کړې او د افغانستان د ګډون لپاره د (کاپ ۲۹) کنفرانس بلنه یې ارزښتناکه بللې ده.

دواړو لورو د ګډو همکاریو پر پیاوړتیا او همغږۍ ټینګار کړی.

جمهورخبري آژانس