طالبانو ۲ زره پاکستاني لاریو ته چې افغان کډوال یې لېږدول د بیرته ستنیدو اجازه نه ده ورکړې
پاکستاني رسنیو راپور ورکړی چې طالبانو د ۲۰۰۰ څخه زیاتو لاریو ته چې افغان کډوال لیږدوي هیواد ته د بیرته راستنیدو اجازه نه ورکوي.
د جمهور آژآنس د خبر له مخې د پاکستان ډان ورځپاڼې نن شنبې (د وږي ۲۲ مه) راپور ورکړ چې د طالبانو ډلې د یوې میاشتې راهیسې لاریو او موټر چلوونکو ته د بیرته راستنیدو اجازه نه ده ورکړې.
په خیبر پښتونخوا کې د لاریو چلوونکو ټولنې مشر لطیف ګل دې ورځپاڼې ته وویل چې موټر چلوونکي په سختو شرایطو کې په پوله کې بند پاتې دي.
دغو لاریو غیرقانوني افغان کډوال له پاکستان څخه له شړلو وروسته پولې ته لیږدول.
لطیف ګل زیاته کړه چې په داسې شرایطو کې، د لاریو مالکین او موټر چلوونکي به نور د مسافرینو افغانستان ته د لیږدولو لپاره چمتو نه وي.
هغه دا خبرداری هم ورکړ چې که ستونزه سمدلاسه حل نشي، ټولنه به اړ شي چې د پیښور حلقوي سړک بند کړي او افغانستان ته د ټولو کانټینرونو تګ راتګ ودروي.
د طالبانو ډلې تر اوسه په دې اړه څه نه دي ویلي.
جمهورخبري آژانس
