د طالبانو د کورنیو چارو وزارت د ترافیکو عمومي ریاست په ټولو موټرو کې د لیزر څراغونو کارول منع کړي دي.
د جمهور آژانس د خبر له مخې د طالبانو د کورنیو چارو وزارت د ترافیکو عمومي ریاست نن شنبې (د وږي ۲۲مه) په یوه اعلامیه کې اعلان وکړ چې ټولو موټر چلوونکو ته خبر ورکوي چې د لیزر څراغونو کارول په بشپړ ډول منع دي او هیڅ موټر چلوونکی باید له دې څراغونو څخه کار وانخلي.
په اعلامیه کې راغلي چې په ډیری مواردو کې، دا لیزر څراغونه د مرګونو ترافیکي پیښو لامل شوي او به یې لامل شي. ځکه چې د دې اعلامیې له خپریدو وروسته، که چیرې د لیزر څراغونو لرونکي موټرونه ولیدل شي، د موټر چلوونکو او مالکینو په وړاندې به جدي او قانوني اقدام وشي، او هیڅوک به د شکایت حق ونلري.
د یادونې وړ ده چې په دې وروستیو کې، په ټول هیواد کې مرګوني ترافیکي پیښې د پام وړ زیاتې شوې دي.
جمهورخبري آژآنس
