د افغان شخصیتونو سره د طالبانو د اړیکو کمېسیون د جرمني څخه د سوداګرۍ او صنایعو خونو د پخواني رییس بیرته هیواد ته د راستنیدو اعلان وکړ.
د جمهور آژانس د خبر له مخې افغان شخصیتونو سره د طالبانو د اړیکو کمیسیون د رسنیو دفتر شنبې (د وږي ۸ مه ) په یوه بیان کې وویل چې د افغانستان د سوداګرۍ او صنایعو خونو پخوانی رییس، د سویلي آسیا د سیمه ایزې همکارۍ ټولنې (سارک) د سوداګرۍ او صنایعو خونې غړی او د لویدیځې افریقا د هیوادونو د اقتصادي ټولنې (ECO) د مدیره پلاوي غړی، اذرخش حافظي، د دې کمیسیون له لارې له جرمني څخه هیواد ته راستون شوی دی.
په بیان کې ویل شوي چې هغه هیواد ته د راتګ څخه خوښي څرګنده کړه.
د یادونې وړ ده چې د هیواد له نیولو وروسته، طالبانو د پخواني حکومت د ملکي او نظامي چارواکو څخه "د افغان شخصیتونو سره د اړیکو کمیسیون" په نوم یو کمیسیون جوړ کړ او له هغوی یې وغوښتل چې هیواد ته راستانه شي.
هغه کسان چې د دې کمیسیون له چارو سره بلد دي دا د طالبانو لخوا د دې ډلې د مخالفینو د نیولو لپاره یوه دوکه ګڼي.
جمهورخبري آژانس
