د امریکا ولسمشر یو ځل بیا د افغانستان په اړه د پخواني ولسمشر جو بایډن پر پالیسیو نیوکه کړې او ویلي یې دي، له دغه هېواد څخه د امریکا وتل یوه ریښتینې رسوایي وه.

د جمهور آژانس د خبر له مخې  ټرمپ نن پنشنبې (د زمري ۹ مه) په یوه غونډه کې وویل چې د هیواد په تاریخ کې یوه له شرمناکو پیښو څخه هغه لاره وه چې موږ له افغانستان څخه ووتله، چې یوه ریښتینې رسوایي وه.

د امریکا ولسمشر همدارنګه په افغانستان کې د جګړې پر مهال د خپلو متحدینو سره د امریکا د ژمنې او په دې هیواد کې د لنډمهاله محافظت شوي حالت (TPS) لاندې د کډوالو د شړلو په اړه د یوې پوښتنې په ځواب کې زیاته کړه: د دوی د ډیری بیرته راستنیدو په اړه خبرې شوي دي. موږ ښه خلک پیژنو، او موږ هغه کسان پیژنو چې شاید دومره ښه نه وو.

تاسو پوهیږئ، ځینې چې راغلل دومره ښه نه وو، او موږ به د دې خلکو پاملرنه وکړو.

جمهور خبري آژانس