د طالبانو د عامې روغتیا وزارت په لوګر ولایت کې د ملګرو ملتونو د وجهي صندوق په مالي مرسته د پنځو روغتیايي مرکزونو د پرانیستلو اعلان وکړ.
د جمهور آژانس د خبر له مخې د طالبانو د عامې روغتیا وزارت نن چهارشنبه (د زمري اوله) په یوه اعلامیه کې وویل چې د دې وزارت سرپرست مولوي نور جلال جلالي، لوګر ولایت ته د خپل سفر په جریان کې د نږدې 30 ملیون افغانیو په لګښت جوړ شوي پنځه روغتیايي مرکزونه پرانیستل.
د دې مرکزونو د پرانیستې په مراسمو کې جلالي وویل: دا مرکزونه به د لوګر ولایت د لرې پرتو سیمو اوسیدونکو ته د مور او ماشوم د روغتیا خدماتو په برخه کې اړین خدمات او اسانتیاوې برابرې کړي.
هغه زیاته کړه: اوس مهال، دا مرکزونه د میندو او ماشومانو درملنه کوي، مګر په راتلونکي کې موږ پلان لرو چې د دې مرکزونو خدمات پراخ کړو او د دوی روغتیایی کارکونکي زیات کړو.
د دې روغتیايي مرکزونو د جوړولو کار د ملګرو ملتونو د نفوس صندوق (UNFPA) په مالي مرسته بشپړ شوی، او د میندو او ماشومانو لپاره به روغتیایی خدمات چمتو شي.
جمهورخبري آژانس
