روسي رسنیو راپور ورکړی چې د طالبانو د دفاع وزارت له روسیې څخه د پوځي تجهیزاتو د رانیولو غوښتنه کړې ده.

د جمهور آژانس د خبر له مخې د روسیې ورځپاڼې نظربایفسکایا ګزیتا د شنبې په ورځ (د چنګاښ ۲۱ مه) راپور ورکړ چې د طالبانو د دفاع سرپرست وزیر ملا محمد یعقوب، د روسیې چارواکو ته په یوه رسمي لیک کې له دې هیواد څخه د پوځي تجهیزاتو د رانیولو غوښتنه کړې ده.

د طالبانو په لیک کې راغلي چې، د روسیې سره د همکارۍ د نوي فصل د پیل په پام کې نیولو سره، موږ له دې هیواد څخه د پوځي تجهیزاتو د رانیولو لیوالتیا لرو.

هغه وویل چې د روسیې جوړ شوي وسلې د کیفیت او کمیت له پلوه د دفاع وزارت د اړتیاوو د پوره کولو لپاره مناسبې دي او دا ډله غواړي چې دا همکاري د متقابل تفاهم پر بنسټ وي.

جمهورخبري آژآنس