د پخواني افغان حکومت د امنیت شورا سلاکار په ایران کې د افغان کډوالو په وړاندې د تبعیض او سپکاوي د پای ته رسولو غوښتنه وکړه.

د امنیت شورا سلاکار او د پخواني افغان حکومت د بهرنیو چارو وزیر ډاکټر رنګین دادفر سپنتا د دوشنبې په ورځ (د چنګاښ ۹ مه) په خپله اېکس پاڼه کې لیکلي: "په دې کې شک نشته چې د ایران اسلامي جمهوریت له ډېرو ستونزو سره مخ دی او د کار بازار او سیاسي او ټولنیز شرایطو کې د کډوالو لوی شمېر مدغم کول ډېر ستونزمن دي."

هغه زیاته کړه چې د ایران د ټولو ستونزو په منځ کې، د بشري ډلو د جاسوسۍ او دښمنۍ د رامنځته کولو تورونه نشي توجیه کیدی.

سپنتا زیاته کړه چې د افغانانو په وړاندې تبعیض او د کډوالو سپکاوی باید پای ته ورسیږي.

جمهورخبري آژانس