محمد حلیم فدایي، چې د پخواني حکومت پر مهال د خوست والي و، وايي څو ورځې وړاندې د کندهار په عینو مېنه کې چاودنې وشوې، چې د پاکستاني بې پیلوټه الوتکو لخوا د وسلو ډیپو بمبارولو له امله رامنځته شوې.

د جمهور آزانس د خبر له مخې  محمد حلیم فدایي وویل چې په دې ډیپوګانو کې هغه وسلې وې چې د طالبانو د مشر ملا هبت الله اخوندزاده په امر له ولایتونو څخه کندهار ته لیږدول شوې وې.

فدایي زیاته کړه چې رسنیو یوازې د چاودنو د غږ په اړه لنډ خبر خپور کړ، خو حقیقت له دې هاخوا دی.

هغه روښانه کړه چې ځینې دا وسلې، چې د پرمختللو او معیاري ډولونو وې، پاکستان ته سپارل شوې دي.

جمهورخبري آژانس