د هرات په زاوې ولسوالۍ کې سېلابونو د هرات – کابل لویه لار تړلې ده.

دغه سېلاب نن سهار د وري په ٢٦مه له سختو بارانونو وروسته راوتلی دی.

ویل کېږي، چې دغه سېلاب د لارې ځینې برخې ویجاړې کړې او د لویې لارې دواړو غاړو ته لسګونه موټر او سلګونه مسافر بند پاتې دي.

دا په داسې حال کې ده، چې په تېرو څو ورځو کې سېلابونو په ډېرو ولايتونو کې مواصلاتي لارې تړلې دي.

د يادونې وړ ده، چې د هوا پېژندنې ادارې پرون او نن په ټول هېواد کې د واورې او باران وړاندوينه کړې ده.

جمهورخبري آژانس