ننګرهار کې په ۴۰۰ کرونده ګرو د کرنې وسایل وېشل شوي

ننګرهار کې د طالبانو د کرنې ریاست وايي، د خوړو نړیوال پروګرام له لوري دغه ولایت کې پر ۴۰۰ کرونده ګرو د کرنې وسایل وېشل شوي دي.

په اعلامیه کې ویل شوي، چې دغه توګي پرون سه شنبې د غوايي ۲۶ مه د روداتو ولسوالي حصارک او قلعه میرجي سیمو کې پر کرونده ګرو وېشل شوي دي.
 
په وېشل شویو شیانو کې دوه نوک لرونکي ټراکتورونه، دوه زرنج موټر سایکلونه، دوه ګرځنده ژرندې، دوه د درمند میده کولو ماشینونه او ځینې نور وسایل شامل دي.
 
جمهورخبري آژانس