ټاکل شوې د ناټو دفاع وزیران دوه ورځې غونډه وکړي، چې په دوهم ورځ به بحثونه او خبرې ټولې د افغانستان پر روان وضعیت راڅرخي.
د جمهور آژانس د خبر له مخې د ناټو د دفاع وزیرانو غونډه سبا چهارشنبې د اکتوبر ۲۲ مه بروکسل کې جوړه او پنشنبې به هم دوام ولري.
د ویل کېږي د غونډې دوهم ورځ د افغانستان لپاره ځانګړې شوې او په کې به د دغه هېواد پر روان وضعیت مفصلې خبرې وشي.
راپورونه وايي، د امریکا دفاع وزیر مارک اسپر چې کابل ته راغلی و هم د ناټو سازمان د دفاع وزیرانو په غونده کې د ګډون په موخه بروکسل ته روان شوی دی.
سرچینې زیاتوي، چې دا ځل به په بروکسل کې د افغانستان د وضعیت په اړه په خپل راپور له ناټو سازمان غړو سره وارزوي.
له کابله و بروکسل ته د روانېدو وړاندې د امریکا دفاع وزیر و ویل، چې د سرتېرو لیدلی حال به د ناټو غړو ته هم وړاندې کړي.
نوموړي ویلي وو تمه لري، چې شریکان به یې هم په افغانستان کې د دوامداره ملاتړ اعلان وکړي.
دا په داسې حال کې ده چې د افغان سولې لپاره د امریکا ځانګړی استازی زلمی خلیلزاد هم بروکسل ته رسېدلی او د ناټو د دفاع وزیرانو له غونډې وړاندې یې د ناټو له سرمنشي یانس سټولټنبرګ سره لیدنه کړې ده.
جمهورخبري آژانس:کابل
