هند د خپلو پوځي مرستو په دوام افغانستان ته دوه نورې «MI 35» جنګي چورلکې ورکړې او دفاع وزارت ته یې وسپارلې.
د
جمهور خبري آژانس د خبر له مخې دغه چورلکې نن سه شنبې د تلې ۲۳ مه د کابل په نړیوال هوايي ډګر کې افغانستان ته وسپارل شوې.
دغه چورلکې کابل کې د هند سفیر وینی کمار له خوا د افغانستان د ملي دفاع سرپرست وزیر اسدالله خالد ته وسپارل شوې.
هند دغه روسي چورلکې د بلاروس هېواد څخه اخیستې دي او تر دې وړاندې یې هم له افغانستان سره د پنځو نورو جنګي چورلکو وړیا مرسته کړې وه.
دغه هېواد دوې «MI 35» جنګي هیلکوپټرې د روان کال د ثور میاشتې پر ۲۶مه او درې نوري روسۍ جنګي هیلکوپټرې تېر کال افغانستان ته ورکړي وې.
دا په داسې حال کې ده، چې د افغانستان د هوایي ځواک ٢٢ تنو پیلوټانو په چک جمهوریت کې خپلې زده کړې بشپړې کړې او پرون د دوشنبې په ورځ د اکتوبر په ١۴ مه فراغت لیکونه او مډالونه ورکړل شول.
جمهورخبري آژانس:کابل