د افغانستان د کرکټ بورډ مشر فرهان یوسفزي اعلان کړی، چې ډېر ژر به د کرکټ لوبو د خپراوي لپاره یو ځانګړی تلوېزیوني چینل جوړ شي.
د
جمهور خبري آژانس د خبر له مخې یوسفزي ویلي، چې دوی له خپلې ژمنې سره سم په کرکټ بورډ کې اړین اصلاحات راوستي او دا لړۍ لا هم دوام لري.
د هغه په وینا له کرکټ سره د هېوادوالو بې سارې مینې کرکټ بورډ دې ته اړویست، چې د کرکټ لوبو د خپراوي لپاره ځانګړی چینل جوړ کړي.
دغه تلوېزیوني چینل به (ACB tv) نومېږي او کرکېټ ته به ځانګړی شوی وي.
د کرکټ بورډ مشر فرهان یوسفزی وایي، د تلوېزیون د جوړولو لومړۍ چارې بشپړې شوې او پاتې کارونه یې هم په چټکۍ روان دي.
جمهورخبري آژانس:کابل