د بلوچستان د کویټې د ډبرو سکرو په یوه کان کې د ګازو خپرېدو له امله څلور افغان کان کندونکي وژل شوي او شپږ نور لا درکه دي.
د
جمهور خبري آژانس د خبر له مخې د پاکستان ډان ورځپانې نن د چنګاښ ۲۵ مه د ځايي چارواکو له قوله ویلي، یاد افغان کان کېدونکي تر ۴۰ ساعته بند پاتې کېدو وروسته د سیمې د خلکو له خوا را ایستل شوي دي.
د پاکستاني چارواکو به وینا د ډبرو سکور دغه کان، چې څلور نیم زره فټه ژوی دی ۱۱ افغان کان کېدونکو په کې کار کاوه.
راپورونه وایي، په دغه کان کې د ګازو خورېدو له امله څلور افغانان وژل شوي او پاتې نور لادرکه دي، چې د ژغورنې عملیات یې روان دي.
خو ځینې راپورونه وایي، په دغه کان کې ۱۰ واړه کان کېدونکي وژل شوي دي.
ویل کېږي، وژل شوي افغانان د افغانستان د میدان وردګو ولایت اوسېدونکي دي.
جمهورخبري آژانس:کابل