د فراه د ولایتي شورا چارواکي وايي، دغه ولایت کې د یوه جومات ملا امام د دریو کورنیو پر غړو ناتار ډزې کړې او ۱۶ تنو ته یې مرګ ژوبله اړولې ده.
د
جمهور خبري آژانس د خبر له مخې د فراه د ولایتي شورا مرستیال شاه محمود نعیمي ویلي یاده پېښه تېره ورځ (یکشنبې د غبرګولي ۱۹ مه) د خاک سفید ولسوالۍ په اړونده سیمه کې رامنځ ته شوې ده.
نوموړي زیاته کړې، دې سیمه کې چې د طالبانو تر ولکې لاندې ده یو جومات ملا آمام د دریو کورنیو پر غړو ډزې کړې دي او ۱۶ تنو ته یې مرګ ژوبله اړولې ده.
د هغه په وینا په دغه پېښه کې ۱۱ تنه وژل شوي او پنځه نور ټپیان شوي، چې په وژل شویو کسانو کې ۷ مېرمنې او دوه ماشومان هم شامل دي.
د فراه د ولایتي شورا مرستیال شاه محمد نعیمي وايي، تر اوسه د پېښې لامل نه دی معلوم شوی.
جمهورخبري آژانس:فراه