وزیر عدلیه حکومت پیشین در واکنش به زمین‌لرزه ویرانگر و مرگبار ولایات شرقی کشور می‌گوید که سلطهٔ حاکمان ظالم و شوم طالبان در گسترش بلا و مصایب بی‌تأثیر نیست.

فضل احمد معنوی وزیر عدلیه حکومت پیشین امروز دوشنبه(10 سنبله) درصفحه فیسبوک خود تحت عنوان "سلطه شوم طالبانی، کانون مصایب" نوشت:حادثهٔ تلخ و غم‌انگیز زلزله در ولایت کنر که جان شماری از هم‌وطنان عزیز ما را گرفت، دل‌ها را جریحه‌دار و مرا سخت متأثر ساخت. کنر که مهد جهاد و عقیده است، امروز شاهد مصیبتی دیگر گردید.